Joan den uztailaren 10ean, udal osoko bilkuran, Zuiako Udalak onartu zuen Arabako makroproiektuen aurrean “Dekalogora” atxikitzea. Gorbeialdea Defendatu plataformak bultzatutako tresna da hau, gure herrietan ezarri nahi diren energia-instalazio handiei aurre egiteko.
Zuia Bidean elkarteak oso positiboki baloratzen dugu urrats hau. Dekalogoak lurraldearen, biodibertsitatearen eta landa-eremuko bizitzaren defentsako printzipioak jasotzen ditu, energia-sektoreko multinazional handien eredu ustiatzailearen aurrean.
Gure elkarteko hiru kide bertaratu ginen osoko bilkurara, ekimen hau babesteko eta sor zitezkeen zalantzei erantzuteko. Bozketaren emaitza honakoa izan zen:
- EH Bildu: alde
- EAJ-PNV: abstentzioa
- ZBG-ZNU: alde
Eskertzen eta positiboki baloratzen dugu Udalak urrats hau eman izana, lurraldearekiko bidezkoa eta errespetuzkoa den energia-eredu bat eraikitzen jarraitzeko.